Na SAMUEL SAMSONI
Mwenyekiti wa Taasisi ya Manala Foundation na mdau wa Maendeleo manispaa ya kahama, Mkoa wa Shinyanga Mhandisi Manala T. Mbumba ameshiriki zoezi la kuhitimisha kampeni za CCM katika Kata ya Kagongwa huku akitembelea vitongoji mbalimbali kikiwemo kitongoji cha Kishima, na Kagongwa akiwa na lengo la kuongeza hamasa katika kampeni hizo
Wakati wa zoezi hilo Mhandisi Manala amekutana na baadhi ya viongozi wa Chama Cha Mapinduzi (CCM) Mkoa wa Shinyanga akiwemo Mwenyekiti wa Umoja wa Vijana Wa Chama Cha Mapinduzi (CCM) Mkoa wa Shinyanga CDE Benard Werema, Katibu wa hamasa Mkoa wa Shinyanga CDE Anord Bweichum, pamoja na Mbunge wa Jimbo la Kahama mjini Jumanne Kishimba.
Licha ya kufika katika Kampeni hizo Mhandisi Manara ameungana na viongozi hao kuwaombea wagombea wao kura katika uchaguzi unaotarajia kufanyika Novemba 27, 2024
Zoezi lilitamatishwa vyema baada ya hotuba ya Mwenyekiti wa UVCCM Mkoa wa Shinyanga CDE Benard Werema ikiwataka viongozi watakaochaguliwa kuwatumikia wananchi kwa kutatua changamoto zao
"... Ninajua tayari mmeshashinda uchaguzi, hivyo keshokutwa tuu mtaanza kuletewa kero ofsini, Nendeni mkawatumikie wananchi" Amesema Werema
